Қазақстандық аралас жекпе-жек шебері Асу Алмабаев Ыстамбұлда өткен бразилиялық джиу-джитсу және грэпплингтен өткен ACBJJ 22 турнирінде чемпиондық титулды жеңіп алды, деп хабарлайды Alash.kz.
Sports.kz-тің хабарлауынша, Асу Алмабаев 60 келіге дейінгі салмақта Тәжікстан өкілі Халим Назрулоевпен титулдық белдесуге шықты. All-Stars Title Match мәртебесіндегі кездесу No-Gi, яғни кимонoсыз күрес ережесі бойынша өтті.
Белдесу қорытындысында төрешілер бірауыздан қазақстандық спортшыны жеңімпаз деп таныды. Осылайша Асу Алмабаев турнирдің чемпиондық атағын иеленді.
Айта кетейік, Алмабаевтың ММА-дағы соңғы ресми жекпе-жегі маусым айында өткен. Ол америкалық Чарльз Джонсонды үшінші раундта жеңген.
