Қостанай облысының әкімі Архимед Мұхамбетов Қостанай қаласының жаңа әкімін таныстырды.
«Қалалық мәслихат депутаттарының келісімі бойынша Марат Жүндібаев Қостанай қаласының әкімі болып тағайындалды. Марат Қоныспаұлы 20 жылдан астам Қостанай облысының түрлі мемлекеттік құрылымдарында қызмет етті. Ол кәсібилік, құзыреттілік, өз бетінше негізделген шешім қабылдау сияқты қасиеттерімен ерекшеленеді. Әлі де өзін жақсы жағынан көрсететініне сенімдімін» деді әкім.
Қайрат Ахметов өз өтініші бойынша қызметінен босатылды. Архимед Мұхамбетов Қайрат Ахметовке атқарылған жұмыстар үшін алғысын білдірді.
«Үш жылдан астам Қайрат Ахметов облыс орталығын басқарды. Көп жұмыс атқарылды. Аула аумақтарын абаттандыруды атап өтемін. Шеттері ретке келтірілуде, Барабаншы, Солтүстік-Батыс, қасбеттердің келбеті өзгерді. Сәттілік тілейміз» деді Қостанай облысының әкімі Архимед Мұхамбетов.
Марат Жүндібаев 1974 жылы 26 маусымда дүниеге келген.
1997 ж. – А.Байтұрсынов атындағы Қостанай мемлекеттік университетінің «Тарих мұғалімі» мамандығы.
2002 ж. – Қазақ құқық және халықаралық қатынастар институты, мамандығы «Заңгер».
1991 ж. – комбайншының көмекшісі.
1997-1998 жж – «Араке» ЖАҚ шебері.
1999-2002 жж – Жітіқара ауданы әкімі аппаратының ішкі саясат және әлеуметтік сала бөлімінің бас маманы, меңгерушісі.
2002-2005 жж – Қостанай облысы әкімі аппаратының бас маманы.
2005-2008 жж – Жітіқара ауданы әкімінің орынбасары.
2008-2010 жж – Қостанай қаласы әкімінің орынбасары.
2010-2011 жж – Қостанай облысы денсаулық сақтау басқармасының басшысы.
2011-2013 жж – Қостанай облысы облыстық білім басқармасының басшысы.
2013-2015 жж – Қостанай облысы, Лисаковск қаласының әкімі.
2015-2020 жж – Қостанай облысы әкімінің әлеуметтік мәселелер жөніндегі орынбасары.
2020 жылғы 28 қыркүйектен бастап – Президент Әкімшілігінің мемлекеттік инспекторы.
Дереккөз
