Танымал қазақстандық әнші Ерке Есмахан елдің сынына ұшырады, деп хабарлайды Alash.kz.
Өнер иесі дүкендердегі қымбатшылыққа шағымданып, оқырмандарына өз ойын айтты.
Instagram желісіндегі стористе Ерке:
“Күйеуімсіз сауда жасауға шығып едім… және бұл қате шешім болды. Бәрі сондай қымбат боп кеткен! Ақыры ештеңе алмауға шешім қабылдап, жай ғана отырып тамақтандым. Күйеуім қазірдің өзінде Өскеменнен ұшып келе жатыр”, – деп жазды ол.
Алайда әнші өзі күткен қолдаудың орнына, оқырмандардың қатал сынына ұшырады.
Желі қолданушылары оны мақтаншақтыққа салынып кетті деп айыптап, қазір Рамазан айы екенін және бұл уақыт қарапайымдылық пен қайырымдылық кезеңі екенін ескертті.
Адамдар бұл айда мұқтаж жандарға садақа беріп жатыр, ал сіз қымбат киім ала алмағаныңызға қапа болып отырсыз.” “Қиындық көріп отырғандарға құрмет қайда?” “Жаңа киім алғанша, жағдайы төмен отбасыларға көмектескеніңіз дұрыс болар еді.””,- деп жазды олар.
