Бүгін саналы ғұмырын ұлттық мәдениеттің дамуына арнаған, қазақ киносы мен театр өнерінің көрнекті тұлғасы, Қазақстанның еңбек сіңірген әртісі Меруерт Өтекешова 75 жасқа толды, деп хабарлайды Alash.kz.
1951 жылы Орал қаласында дүние есігін ашқан өнер иесі көпжылдық шығармашылық жолында мемлекеттік деңгейдегі жоғары марапаттарға ие болды. Атап айтқанда, Меруерт Өтекешова Қазақстан Ленин комсомолы сыйлығының (1978) және «Жігер» фестивалінің (1982) лауреаты, сондай-ақ Қазақ КСР-інің еңбек сіңірген әртісі (1982) атағын алған. Оның еңбегі «ҚР Тәуелсіздігіне 10 жыл» (2001) медалімен, «Құрмет» (2008) және «Парасат» (2017) ордендерімен ерекшеленді.
Сонымен қатар, актриса 2017 жылы «Сахнагер» ұлттық театр сыйлығының «Сахналық ғұмыр» номинациясын жеңіп алып, 2017-2018 жылдары мәдениет саласындағы мемлекеттік стипендияның иегері атанды.
2025 жылы Республика күні қарсаңында «Қазақтың Қыз Жібегі» Қазақстанның Халық Әртісі атағын алды.
