Қазақстандықтар тойдан түскен ақша мен сыйлық туралы есеп беруге міндеттелді

Мемлекеттік кірістер комитетінің өкілі Дина Құсайынова тойда сыйлыққа алынған ақшаның декларацияда көрсетілуі тиіс екенін айтты, деп хабарлайды  Alash.KZ ұлттық порталы.

Stan.kz ақпарат агенттігінің хабарлауынша, егер сыйлыққа ақша берілген болса, оны декларацияда көрсету қажет. Ақшаны сыйлаған адам оны декларацияда “сыйлық” деп белгілесе, ал оны алған адам бұл кіріс туралы көрсетпесе, сәйкессіздік туындайды. Сондықтан, заңға сәйкес, мұндай кірістерді көрсету керек. Егер ақша тегін және қайтарымсыз берілсе, оған салық салынбайды, бірақ декларацияға енгізу міндетті.

Бұрын алынған сыйлықтар да декларацияға кіруі мүмкін. Мысалы, 15-16 жыл бұрын сыйға тартылған Gucci сөмкесі де кіріс ретінде көрсетілуі тиіс.

Яғни, тойда алынған ақша немесе құнды сыйлықтар декларациялануы керек, ал отбасы арасындағы аударымдар есепке алынбайды.