Қазақстандық профессор Ресеймен шекараны шұғыл жабуды ұсынды

Батыс Қазақстан облысындағы «Ветеринар дәрігерлер» қоғамдық бірлестігінің төрағасы, профессор Ғайса Абсатиров Қазақстанға Ресейдің шекаралас өңірлерінен жануарлардың жұқпалы аурулары тасымалданып жатқанын хабарлады, деп жазады Alash.KZ.

Профессордың айтуынша, транзит немесе мал импортымен байланысты күмәнді, бұрын белгісіз аурулар тіркеліп отыр. Мысалы, 2016 жылы Атырау облысында нодулярлық дерматит анықталған, бірақ сол оқиғадан кейін ветеринарлық бақылау жеткілікті деңгейде қатаңдатылмаған.

Абсатиров Ресейдегі эпизоотиялық жағдайдың қолайсыз екенін атап өтті. Оның пікірінше, Қазақстанның ветеринарлық қызметі қаржы мен күш жұмсағанына қарамастан, шекарадағы бақылау қатаңдатылмаған, ал бұл қазіргі эпизоотиялық қауіптің алдын алу үшін аса маңызды.