Қазақстандық азамат Германияға көшу үшін сот арқылы ұлтын өзгертті

Ол Германияға "кеш қоныс аударушылар" бағдарламасы бойынша баруды көздеген. Сол үшін ұлтын неміс ретінде тіркемек болады. Бірақ тиісті тіркеу орны өтінішін қабылдамайды. Оған алдымен әкесінің ұлтын өзгерту керегін айтқан, деп жазады Alash.KZ. 

Ал азаматтың әкесі итальян, анасы орыс ұлтынан. Алайда әке жағынан әжесі неміс болғандықтан, ол өзін неміс ұлтына жатқызуға негіз бар екенін алға тартқан.

Сөйтіп сотқа жүгінеді. Сот оның ұлтын өзгертуге құқығы бар екенін атап өтіп, ұлты туралы деректі өзгертуге рұқсат берді.

Негізі заң бойынша ұлтты тек ата-анасының біріне ғана байланысты емес, басқа да өмірлік жағдайларға қарай таңдауға мүмкіндік беріледі.