Соңғы жылдары көшеде рюкзак асынып, тапсырыс жеткізіп жүрген әйелдерді жиі кездестіруге болады. Олар үшін курьерлік жұмыс қосымша табыс табумен қатар, жұмыс пен отбасы міндеттерін қатар алып жүруге мүмкіндік беретін икемді жұмыс түріне айналып келеді, деп жазады Alash.KZ.
Ең басты артықшылығы – жұмыс уақытын өзіңе ыңғайлап жоспарлау. Бұл бала күтімі немесе отбасы жағдайына байланысты толық жұмыс күніне шыға алмайтын әйелдерге қолайлы.
Алайда курьерлік жұмыстың қиындықтары да бар: ауа райына қарамастан жұмыс істеу, ұзақ уақыт қозғалыста болу және табыстың тапсырыс санына байланысты өзгеруі.
Мамандардың пікірінше, әйелдердің курьерлік қызметке келуі икемді жұмыс формаларына сұраныстың артқанын көрсетеді.
