Елде Президенттің өкілеттігі мерзімінен бұрын тоқтатылған жағдайда, билікті кімге беру тәртібі ұсынылып отыр, деп жазады Alash.KZ.
Қазіргі қолданыстағы Конституцияның 48-бабына сәйкес, Президент қызметінен мерзімінен бұрын кеткен кезде оның өкілеттігі алдымен Сенат төрағасына өтеді. Егер Сенат төрағасы бұл міндетті өзіне ала алмаса, өкілеттік кезекпен Мәжіліс төрағасына, одан соң Премьер-министрге беріледі.
Ұсынылып отырған жаңа өзгеріске сай, Президент өкілеттігі мерзімінен бұрын тоқтатылса, ең алдымен Вице-президентке табысталуы қажет. Ал Вице-президент бұл міндеттен бас тартқан немесе қабылдай алмаған жағдайда, өкілеттік Құрылтай төрағасына жүктеледі. Егер ол да қабылдай алмаса, Президенттің өкілеттігі Премьер-министрге өтеді.
Аталған бастама Конституциялық реформа жөніндегі комиссияның алғашқы отырысында көтерілді.
