Қазақстан мұсылмандары діни басқармасы 2027 жылға арналған діни күндер кестесін жариялады. Оған сәйкес, Рамазан айы 8 ақпанда басталып, Ораза айт 9 наурызға, ал Құрбан айттың алғашқы күні 16 мамырға сәйкес келеді, деп жазды Alash.kz.
ҚМДБ мәліметінше, Қадір түні 5 наурыздан 6 наурызға қараған түнге белгіленген.
2027 жылғы негізгі діни күндер:
- 8 ақпан — Рамазан айының басталуы;
- 5–6 наурыз — Қадір түні;
- 9 наурыз — Ораза айт;
- 16 мамыр — Құрбан айттың бірінші күні.
Мүфтият діни мерекелердің нақты күндері жаңа айдың көрінуіне байланысты өзгеруі мүмкін екенін ескертті. Сондықтан жарияланған күндер бір күнге ертерек немесе кешірек жылжуы ықтимал.
