Тіл жанашыры әрі қоғам белсендісі Жалғас Ертай қазақ тілін талап еткен қауымның проблемаларына қатысты жазба жариялады, деп хабарлайды Alash.KZ.
Белсендінің айтуына қарағанда, "Алматыда қазақша құжат сұраған, қызмет талап еткен адамның көргені қорлық".
Алматының Медеу аудандық АХАТ бөлімінде құжат толтырдым. Орысшасын ұсынып еді, қазақшасын сұрадым. Қазақшасы қате-қате жазылған, бірақ сол қатенің арасында адасып жүріп, әрең толтырып бердім. Алматыда қазақша құжат сұраған, қызмет талап еткен адамның күнделікті тірлігі - күрес, көргені - қорлық. Сонда да мойымаймыз. Қазақша сұрай береміз, - деп жазды белсенді.
