Моңғолиялық әнші Мишель Джозеф қазақ тілінде жаңа ән ұсынды, деп жазды Alash.kz ұлттық порталы.
Моңғолиялық әнші, Silk Way Star жобасының жеңімпазы Мишель Джозеф қазақ тілінде тағы бір ән орындады. Ол бұған дейін де қазақ тіліндегі туындыларымен көпшіліктің ықыласына ие болған еді.
Бұл жолы өнерпаз жанкүйерлеріне «Бағала» атты жаңа әнінің үзіндісін жариялады. Ән қазақтың дәстүрлі әуен өрнектерін заманауи стильмен ұштастырған.
Алғашқы қазақша әнімді сіздер үшін шығарамын.
Қатты толқып тұрмын. Қайырмасын еріксіз айтып жүрсеңдер, мені кінәламаңдар, - деп жазды Мишель Джозеф.
Әнші қазақ тыңдармандарына алғыс айтып, алдағы уақытта да қолдау білдіруге шақырды. Жаңа туындының үзіндісі әлеуметтік желілерде қызу талқыланып, тыңдармандар тарапынан жылы қабылданды.
