"Қазақ тілін білу керек, ақшасы болу керек" - Шетелдіктер мен қандастарға талап күшейді

Қазақстанда шетелдіктерге тұрақты тұруға рұқсат және қандас мәртебесін беруге қойылатын талап күшейтілді деп жазады Alash.KZ. 

 Қазақ тілі бойынша талап күшейді:

Тестілеудің әр бөлімі бойынша шекті деңгей 70%-ға дейін көтерілді (бұрын 30% болған). Егер бір-екі бөлімнен өтпесе, 30 күн ішінде 2 рет қайта тапсыра алады.

 Иммиграциялық балл өсті:

Ең төменгі өту көрсеткіші 600 балл болды (бұрын 400).
Бағалау кезінде білім, жұмыс тәжірибесі және тіл білу деңгейі есепке алынады.

 Төлем қабілеті де бақылауда:

Кемінде 1320 АЕК (шамамен 5,7 млн теңге) барын енді жыл сайын растау қажет. Бұрын бұл талап тек бір рет тексерілетін.

 Ережені бұзса тұру рұқсатынан айырылады:

3 рет көп жол ережесін бұзса;
2 реттен көп әкімшілік құқықбұзушылық жасаса.

Өзгерістер 10 сәуірде бекітілді.