Елордадағы Qazaqstan жеңіл атлетикалық спорт кешенінде әскери қызметшілер арасындағы қазақ күресінен өткен алғашқы әлем чемпионатының жабылу рәсімі өтті, деп хабарлайды ALASH.KZ ҚР Қорғаныс министрлігінің баспасөз қызметіне сілтеме жасап.
Бастапқы жекпе-жектердің өзінде-ақ қазақстандық ұлттық күрес мектебінің басымдығы айқын көрінді. Әлем чемпионатының қорытындысы бойынша бірінші орынды Қазақстан құрамасы, екінші орынды Өзбекстан, үшінші орынды Ресей командасы иеленді.
Ерлер арасында чемпион атанғандар:
• Қазақстаннан: Бекжан Төлепов (55 кг), Ернұр Сүлеймен (60 кг), Сағындық Әшім (66 кг), Жұмажан Қожамбеков (74 кг), Ғалымжан Қырықбай (100 кг-нан жоғары);
• Ресейден: Глеб Голов (82 кг), Владимир Досяк (100 кг);
• Өзбекстаннан: Умар Бозоров (90 кг).
Әйелдер арасында алтын медаль иеленгендер:
• Қазақстаннан: Айжан Жылқыбаева (48 кг), Рауза Нұрмұхамбетова (56 кг), Әкерке Рамазанова (77 кг-нан жоғары);
• Өзбекстаннан: Ситора Ильмуродова (52 кг), Шахноза Бозорова (77 кг);
• Ресейден: Валентина Остапец (60 кг), Дарья Кузмичева (65 кг).
