"Қаза тапқандар 68-ге жетті" - Колумбиядағы әскери ұшақ апатына қатысты тың дерек

Колумбияның оңтүстігіндегі Путумайо аймағында болған әскери ұшақ апатынан қаза тапқандар саны 68 адамға жетті. Бұл туралы Пуэрто-Легисамо қаласының мэрі Луис Эмилио Бустос мәлімдеді, деп жазады Alash.KZ.

Алдын ала мәліметтерге сәйкес, бортында 128 адам болған Колумбияның Әуе-ғарыштық күштеріне тиесілі C-130 Hercules әскери-транспорт ұшағы Пуэрто-Легисамодан Пуэрто-Асиске бағыт алған. Алайда әуе кемесі ұшып шыққаннан кейін көп ұзамай апатқа ұшыраған.

Қала әкімінің айтуынша, оқиға орнында болған жергілікті тұрғындар бірқатар адамды құтқарып үлгерген. Соның нәтижесінде аман қалғандар саны артқан.

Колумбия президенті Густаво Петро ұшақтың 40 жылдан астам уақыт пайдаланылғанын атап өтті. Оның сөзінше, әуе кемесі елге бұрынғы президент Иван Дуке басқарған кезеңде сатып алынған.