«Қазақмыс корпорациясы» ЖШС-ның «Итауыз» шахтасында жаңа желдету жүйесі пайдалануға берілді. Ол өнеркәсіптік қауіпсіздік деңгейін арттыруға және жерасты қазбаларындағы еңбек жағдайын жақсартуға мүмкіндік береді, деп жазады Alash.kz.
Жобаны іске асыру үшін биіктігі 180 метр болатын желдетуге арналған тік оқпан қазылды. Жұмыс биыл сәуір айында аяқталды.
Мамыр айында шахтаның үстіне немістер өндірген Korfmann AL 17-2500 үлгісіндегі екі осьтік желдеткіші орнатылды. Жаңа желдету жүйесі секундына 150 текше метрге дейін ауа өткізе алады. Бұл жерасты қабатының тұрақты әрі тиімді желдетілуін қамтамасыз етеді.
Жоба компанияның жерасты кеніштеріндегі желдету инфрақұрылымын дамытуға бағытталған жүйелі жұмысының бір бөлігі болып табылады. Осыған ұқсас жүйе бұған дейін «Жомарт» кенішінде іске қосылған болатын. Онда орнатылған жабдық 600 метрден астам тереңдіктегі тау-кен қазбаларын желдетуді қамтамасыз етеді.
«Жомарт» кенішінде желдетуге арналған тағы бір тік оқпанның құрылысы жалғасуда. Жұмыс аяқталғаннан кейін желдету жүйесінің мүмкіндігі кеңейеді. Бұл тау-кен жұмысын жүргізу кезінде қауіпсіздік деңгейін арттырып, өндірістің тиімділігін жақсартуға ықпал етеді.
Желдету инфрақұрылымын дамыту 2026 жылы «Қазақмыста» жарияланған Қауіпсіздік жылы аясындағы жұмыстың негізгі бағыттарының бірі болып табылады. Осындай жобаларды жүзеге асыру өндірістік тәуекелдерді азайтуға, кеншілердің еңбек жағдайын жақсартуға және жер астындағы өндірістік нысандардың тұрақты жұмысын қамтамасыз етуге септігін тигізеді.
Қауіпсіздік жылы: “Қазақмыс” шахтасында жаңа желдету жүйесі пайдалануға берілді
Ерлан Қарин: Қазақ тілі ғылым мен инновация тіліне айналмай, ісіміз ілгерілемейді
20:00, 17 қараша 2026
«Отшашу деп ойлаған»: Ақтөбедегі кәсіпкердің қазасына қатысты тың дерек шықты (ВИДЕО)
15:47, 17 қараша 2026
«Сірке қышқылынан ауыр уланған»: СҚО-да 62 жастағы әкімдік қызметкері көз жұмды
15:04, 17 қараша 2026
«2 алтын, 1 күміс»: Таеквондодан Қазақстан жасөспірімдер құрамасы Хорватияда топ жарды
14:27, 17 қараша 2026
«Студент қазасынан кейін»: Әл-Фараби атындағы ҚазҰУ-да бірқатар басшылар жұмыстан кетті
12:26, 17 қараша 2026
«Марқұмның жетісі мен қырқын өткізу міндет пе?»: ҚМДБ шариғат талаптарын түсіндірді
11:57, 17 қараша 2026
Туризм және спорт министрлігінде кадрлық ауыс-түйіс: Жаңа вице-министр тағайындалды
22:00, 16 қараша 2026