Қарағанды облысында жолаушылар мінген автобус жол апатына ұшырады. Бұл туралы облыстық полиция департаменті хабарлады, деп жазды Alash.kz.
Оқиға 21 наурыз күні таңғы сағат 05:00 шамасында болған. Алдын ала мәліметке сәйкес, «Астана – Алматы» автожолының 747-шақырымында, Сарышаған кенті маңында, Жамбыл облысы шекарасынан үш шақырым жерде 49 жастағы жүргізуші көлікті басқара алмай қалған.
Салдарынан автобус жол жиегінде сол бағытта тоқтап тұрған «Volvo» жүк көлігіне соғылған.
Жол-көлік оқиғасы нәтижесінде бір адам оқиға орнында көз жұмды. Тағы үш жолаушы түрлі жарақатпен медициналық мекемеге жеткізілді. Апат кезінде автобуста 33 адам болған.
