Тарихшы, қоғам белсендісі Шәкен Тұрар Сәттарқызы әскердегі ахуал жайлы қынжылысын жеткізіп, Қорғаныс министрлігі басшысының әйелін сынға алды, өткір мәселе көтерді, деп хабарлайды Alash.kz.
Әскер сарбаздарын пайдаланып челенж түсіріп жүрген Қорғаныс министрінің әйелінің видеосы кеңінен тарап жатыр екен. Біреулер бұрын түсірілген деп жатыр екен. Өткенде Нартай Аралбайұлы басқарған жиын өтті, қорғаныс саласының өкілдері болды.Әскердегі сарбаздарға көрсетілетін әлімжеттік, өлімі жайлы мәселе көтерілді. Сол кезде сала өкілдері жауынгерлердің өлімі жайлы статистика келтірді. Бір адам өлімі емес, малдың шығынын айтып жатқандай әсер алдым.Айналайындар-ай, әр санның артында бір азаматтың өмірі, өмірінің соңына дейін баласын жоқтап өтетін ананың көз жасы, мұңы, зары, шемен болған шері, жазылмас қайғысы тұр ғой?! Шырылдап тұрып аналардың жанайғайын жеткіздім.Тіпті қоғамдық бірлестік ретінде әскери бөлімшелерге барып рухани-ағартушылық жұмыс жүргізуге дайын екенімізді де айттым. "Аузы қисық болса да, байдың баласы сөйлесін” демекші, дауысы жоқ болса да, министрдің әйелі ән айтсынның кері болып тұр екен.Мынандай нәрсеге рұқсат бар ма, өзі?! Алдымен әскердегі жағдайды түзеп алмай ма? Халықты ашындырғанды қашан қояды екен, осы, өңкей байшікештер мен шенділер?!Қанша ана сау баласын әскерге жіберіп, мүгедек болып келіп не сүйегін құшақтап, “ботам-ай” деп зарлап қалып жатқанда, мыналардікі не той?! Әскери техниканы, әскерилерді пайдалануға рұқсат бар ма? Біреулер патриоттық ән айтып жаиыр деп қорғап жатыр екен. Патриоттықтың иісі де сезілмейді екен.Қолда барда қонышынан басып жатқан қорғаныс министрінің мына әрекетін депутаттар неге көрмей жатыр? Әлде әлі келмей ме?
