Танымал әнші Тамара Асар шетелде ем қабылдап жүргенін айтып, ерекше жазба жариялады, деп жазады Alash.kz.
Өнер иесі әлеуметтік желідегі парақшасында қазіргі жағдайын баяндап, қайтадан жүріп үйреніп жатқанын жеткізді.
«Әр жолы — алғашқыдай…
Шетелдемін. Алла сәтін салса. Үш күннен бері қайтадан тәй-тәй басып, жүріп үйреніп жүрмін.
Отырған жерден тұрып, мұздап қалған аяққа дұрыс тірелу — жетістік. Бір жаққа ауып кетпей, тепе-теңдікті сақтап, тік тұру — жеңіс.
Өз жайлылығына үйренген тәнді ауырсынуға қарамастан күрделі кезеңге бағыттап, оны еңсеру — ерлік. Бір қадамды мың мәрте қайталау — еңбек.
Ауырсыну мен шаршауға берілмей, алға ұмтылу — тағы бір жеңіс.
Ал әрбір нық әрі әдемі басылған қадам — бұйырса, жеміс.
Тән мен жанды бір Аллаға тапсырып, сабырмен қабылдау — рахат.
Бәрі өмірдегідей, ал өмірдің өзі спорт секілді», — деп жазды әнші.
