АҚШ Президенті Дональд Трамп ресми Тегеран Ливандағы ираншыл прокси-топтардың белсенділігін дереу тыймаса, Иран аумағына бұрынғыдан да қуатты соққылар жасалатынын айтып қатты сес көрсетті, деп хабарлайды Alash.kz.
Ақ үй басшысы өзінің бұл мәлімдемесін «Truth Social» әлеуметтік желісіндегі жеке парақшасында жариялады. Ол Ливан аумағында түрлі шиеленістер мен мәселелер тудырып отырған қарулы топтардың тікелей Иран тарапынан өте жақсы қаржыландырылатынын алға тартты. Президент егер Иран билігі бұл топтардың әрекетін тез арада тоқтатпайтын болса, Америка Құрама Штаттары өткен аптада жасалған шабуылды қайталап, бұл жолы әлдеқайда ауыр әрі жойқын соққы беретінін ашық ескертті.
Осы мәселеге байланысты АҚШ Президенті Дональд Трамп өзінің әлеуметтік желідегі жазбасында келесідей ресми мәлімдеме жасады:
«Иран өзінің Ливанда мәселе тудырып жатқан, жақсы қаржыландырылатын прокси-топтарының әрекетін тез арада тоқтатуы тиіс. Егер олар бұны істемесе, біз Иранға өткен аптадағыдай, бірақ одан да күшті етіп қайтадан өте ауыр соққы береміз!».
