Конгодағы мыс кенішінің құлауынан 30-дан астам адам қаза тапты, деп жазады Alash.kz ұлттық порталы.
Құтқару жұмыстары әлі жалғасып жатқандықтан, қаза болғандар саны артуы мүмкін. Оқиғаның негізгі себебі ретінде таудың опырылуы аталып отыр. Тоқтаусыз жауыннан кейін кеніште жұмыс істеуге тыйым салынғаны да хабарланды.
Сонымен бірге, AP News және өзге де БАҚ таратқан басқа нұсқа да бар: күзетшілер мен кеншілер арасында жанжал туындаған. Бұл дерек бойынша, күзет оқ атқан, содан соң кеншілердің арасында үрей туып, олар көпірге қарай лап қойған. Соның салдарынан көпір опырылып, кейін шахта ішінде де құлау басталған.
