Астана маңында жекеменшік ұшақ құлап, екі адам қаза тапты, деп жазады Alash.kz ұлттық порталы.
Қайғылы оқиға бүгін 22 маусымда 11:30 шамасында болған.
Көлік министрлігінің хабарлауынша, Жоламан аэродромы маңында Оқу-жаттығу ұшуын орындау барысында TL-2000 жеңіл моторлы ұшағы апатқа ұшырады.
“Бұл ұшақ жеке тұлғаға тиесілі. Алдын-ала мәліметке сәйкес бортта екі экипаж мүшесі болды. Экипаж мүшелері қайтыс болды”, – делінген ресми хабарламада.
Оқиғаны тергеп-тексеру үшін қолданыстағы ережеге сәйкес авиациялық оқиғалар мен инциденттер жөніндегі арнайы комиссия құрылады.
