"Піл мен Қанден" - «Ақ жол» мен «Республика» партиялары муралда бейнеленді

Екібастұзда «Ақ жол» және «Республика» партияларына қатысты мурал пайда болды. Қабырға суретінде көк түсті піл мен оның жанындағы кішкентай ит бейнеленген. Сонымен қатар, муралға «Өз орныңды біл, қанден» деген жазу жазылған, деп жазады Alash.kz.

Бұл мурал әлеуметтік желі қолданушылары арасында қызу талқыланып жатыр. Оның нақты авторы әзірге белгісіз.

Еске салайық, бұған дейін «Республика» партиясы төрағасының орынбасары Олжас Құспеков «Ақ жол» партиясын «сәндік пониға» теңеген болатын. Ал оған жауап ретінде «Ақ жол» партиясының өкілі Қазыбек Иса «Республика» партиясының әрекетін «қанденнің қылығы» деп сипаттаған еді.

Осылайша, екі партия арасындағы сөз тартысы енді көше өнерінен де көрініс тапты.