Пентагон Ресейдің НАТО-ның шығыс мүшелері үшін «тұрақты, бірақ реттеуге болатын қауіп» екенін мәлімдеді, деп жазды Alash.kz.
АҚШ Қорғаныс министрлігі жариялаған Ұлттық қорғаныс стратегиясында Ресей НАТО-ның шығыс флангындағы елдер үшін «тұрақты, бірақ басқарылатын қауіп» ретінде сипатталды.
Құжатта Ресей демографиялық және экономикалық қиындықтарға тап болып отырғаны атап өтілгенімен, Украинаға қарсы соғыстың жалғасуы оның әлі де елеулі әскери және өнеркәсіптік әлеуетке ие екенін көрсететіні айтылған.
Сонымен қатар Пентагон Ресейдің Еуропада гегемония орнататындай жағдайда еместігін атап өтеді. Себебі НАТО-ға мүше еуропалық мемлекеттер экономикалық көлемі мен халық саны жағынан Ресейді айтарлықтай басып озады, бұл өз кезегінде олардың ықтимал әскери қуатын да арттырады.
Құжатта Германия экономикасының өзі Ресей экономикасынан едәуір үлкен екені ерекше атап көрсетілген. Осы тұрғыда АҚШ Қорғаныс министрлігі НАТО-дағы еуропалық одақтастардың жиынтық қуаты Ресеймен салыстыруға келмейтін деңгейде жоғары екенін мәлімдеді.
Сондай-ақ стратегияда НАТО-ның еуропалық мүшелері Еуропаның дәстүрлі қорғанысы үшін негізгі жауапкершілікті өз мойнына алуға дайын екені, ал АҚШ-тың бұл үдерісте шешуші, бірақ шектеулі қолдау көрсететіні айтылған.
