Екібастұзда полицейлер 16 жастағы жасөспірімді ұстады. Оның мұндай ұсынысты әлеуметтік желіде тапқаны белгілі болды, деп жазады Alash.KZ.
Полицияның жедел іс-шаралары барысында жасөспірім кезекті «қаптама орнын» орналастырып жатқан сәтте қолға түсті.
Қыз мессенджерлердің бірінен «оңай әрі тез табыс» туралы ұсынысқа алданып, белгісіз адамдардың тапсырмасын орындаған. Ешқандай дайындықсыз және заң салдарын түсінбестен, ол есірткі таратушыға айналған.
Тексеру кезінде қыздың сөмкесінен оқшаулағыш таспаға оралған 15 дана қаптама табылды. Сараптама нәтижесі олардың ішінде жалпы салмағы 4 грамм болатын синтетикалық есірткі бар екенін көрсетті.
Аталған факті бойынша ҚР ҚК 297-бабы («Есірткі заттарын заңсыз сақтау және тарату») бойынша қылмыстық іс қозғалды. Айта кету керек, Қазақстанда есірткі қылмыстары үшін қылмыстық жауапкершілік 14 жастан басталады.
Павлодар облысының Полиция департаменті мен басқа да ведомстволар білім беру мекемелерімен бірлесе отырып, оқушылар арасында ақпараттық-түсіндіру жұмысын жүргізуде. Мамандар балаларға «оңай ақша табу» туралы хабарландырулардың артында қылмыстық схема тұруы мүмкін екенін түсіндіреді.
Тәртіп сақшылары есірткіні таратқаны үшін қылмыстық жауапкершілік 16 жастан, кейбір жекелеген есірткі түрлері үшін 14 жастан басталатынын еске салады.
