Мақпал Жүнісова өз әлеуметтік желісінде Заманбек Нұрқаділовтың қызына жазған хатын жариялады, деп хабарлайды Alash.kz ұлттық порталы.
Хат Жаңа жыл қарсаңында 2002 жылы жазылған.
"Алтыннан ардақты,
Күмістен салмақты,
Аса қымбатты да, қадірлі қызымыз, Мерей!
Ең алғашқы Жаңа жылың құтты да, сүтті бола берсін! Бақыт пен шаттыққа толы болсын! Сан жылдар қызығыңды көріп, ұзағынан сүйіндірсін деп ізгі тілекпен құттықтаушылар - мамаң Мақпал, папаң Заманбек.
31.12.2002-1.01.2003 жылға", - деп жазылған хатта.
Заманбек Нұрқаділов Мақпал Жүнісованы да Жаңа жыл мерекесімен құттықтап, хат жазған.
"Алтыннан ардақты,
Күмістен салмақты,
Ең сүйкімді де, сүйікті қызым - Мерейдің ең сұлу да, ең көркем мамасы Жануля!
Періште тәрізді нәзік мінезді тұңғыш перзентімізбен бірге қарсы алатын алғашқы Жаңа 2003 жыл жанұямызға мол күлкі мен зор бақыт алып келсін! Үлкен қуаныш пен теңіздей шаттыққа кенелейік.
Өзіңізді пәк сүйетін азда-көпті жұмсақ аялайтын, құдай қосқан жарыңыз, Заманбек.
31.12.2002 - 1.01.2003", - деп жазылған хатта.
