Ресей президенті Владимир Путин мен АҚШ президенті Дональд Трамп Азия-Тынық мұхиты экономикалық ынтымақтастығы (АТЭС) саммиті аясында кездесуі мүмкін, деп хабарлайды Alash.kz.
Бұл туралы Ресей президентінің баспасөз хатшысы Дмитрий Песков мәлімдеді.
Оның айтуынша, екі ел басшысы телефон арқылы сөйлескенде бұл мәселені нақты талқыламаған.
«Нақты тұрғыда – жоқ. Алайда жалпы алғанда мұндай мүмкіндік туындауы мүмкін екені жөнінде өзара түсіністік бар», – деді Дмитрий Песков.
Айта кетейік, бұған дейін Дмитрий Песков саммит аясында Ресей президенті Владимир Путин, АҚШ президенті Дональд Трамп және ҚХР төрағасы Си Цзиньпиннің үшжақты кездесу өткізуі мүмкін екенін мәлімдеген болатын.
