Белгілі әнші Қайрат Нұртастың жұбайы, актриса Жұлдыз Әбдікәрімова әлеуметтік желідегі парақшасында кенже қызын балабақшаға беруге қатысты оқырмандарының сұрағына жауап беріп, өз пікірін білдірді, деп хабарлайды Alash.kz.
Бұған дейін оқырмандарының бірі өнер иесіне «Бермеңіз! Әлі кішкентай ғой! Мамасын іздейді, обал ғой» деп жазып, кішкентай Рәбия-Сұлтанның анасынан ажырауына алаңдаушылық білдірген еді. Сондай-ақ оқырман сөзіне жауап берген актриса бұл шешімге сабырмен қарайтынын және қызының өз-өзіне сенімді екенін жеткізді.
«Негізі ол өз өмірін өзі реттеп жүр. Мазасыз емес. Маған жұмыс істеуге ерте мүмкіндік берді. Оны құрсақта кезінде келісіп алғанбыз», – деп жазды Жұлдыз Әбдікәрімова.
