"Өте ауыр хәлде жатыр" - Талдықорғанда екі жасөспірімді көлік қағып кетті (ВИДЕО)

Талдықорғанда Camry автокөлігі бағдаршамның қызыл түсіне өтіп, екі жасөспірімді қағып кетті, деп жазады Alash.KZ.

Жол апаты 2 сәуірге қараған түні Талдықорғанда болған. Алдын ала мәлімет бойынша, Toyota Camry жүргізушісі бағдаршамның қызыл түсіне өтіп, мопедпен келе жатқан екі жасөспірімді соққан.

Салдарынан зардап шеккендер ауыр халде ауруханаға жеткізілді. Дәрігерлердің хабарлауынша, бір жасөспірімнің бассүйегі мен қолы сынған, екіншісі жамбасынан ауыр жарақат алып, аяқтары мен омыртқасы зақымданған.

Қазір жол-көлік оқиғасына қатысты тергеу амалдары басталды.