Мемлекет басшысының Жарлығымен әнші, Қазақстанның халық әртісі, Қазақстан Мемлекеттік сыйлығының лауреаты Қайрат Байбосыновқа «Қазақстанның Еңбек Ері» атағы берілді. Қуанышты жаңалықты Мемлекеттік кеңесші Ерлан Қарин хабарлады, деп жазады Alash.kz ұлттық порталы.
“Қазақстанның халық әртісі, әнші Қайрат Байбосыновқа жоғары мемлекеттік марапат — «Қазақстанның Еңбек Ері» атағы берілді.
Бұл марапат — қазақ әнін ғасырлар биігіне көтерген ерен тұлғаның өлшеусіз еңбегіне берілген лайықты баға.
Ұлт руханиятын ұлықтап, халық әнінің ғажайып өрнектерін жаңғыртқан зиялы өнерпаз Қайрат ағамызды құттықтай отырып, ұзақ ғұмыр, мықты денсаулық, шығармашылық шабыт тілеймін!”,- деп жазды саясаткер.
