Атырау облысы полиция департаментінің өкілі Мейірім Ердәулет Kursiv Media Kz YouTube арнасына берген сұхбатында Жангелді ауылында үйінен мәйіті табылған ерлі-зайыптының өліміне не себеп болғанын айтты, деп жазады Alash.kz ұлттық порталы.
Полиция ресми түрде ерлі-зайыптының денесінде пышақпен салынған жарақат іздері бар, яғни шаншып-кесілген дене жарақаттары тіркелгенін растады.
“Алайда тұншықтыру іздері жоқ. Дегенмен де өлімнің нақты себебін анықтап, нақты уақытын белгілеу үшін мүрделер экспертизаға ұсынылды. Экспертизаның шешіміне сәйкес полиция алдағы уақытта нақты осы ерлі-зайыптының өліміне қатысты деректерді ұсынатын болады”,- деді Мейірім Ердәулет.
