Оңтүстік Кореяда мемлекеттік төңкеріс жасауға талпынды деп айыпталған экс-президент Юн Сок Ельге қатысты сот процесінде прокуратура ең қатаң жазаны талап етті, деп хабарлайды Alash.kz.
Арнайы прокурор биліктен қуылған бұрынғы мемлекет басшысын өлім жазасына кесуді сұрап отыр. Бұл іске Юн Сок Ельдің 2024 жылдың желтоқсанында елде әскери жағдай енгізу туралы шешімі негіз болған. Тергеу тарапы экс-президент әрекетін бүлік ұйымдастыру деп бағалады. Оңтүстік Корея заңдарында мемлекетке қарсы мұндай қылмыстар үшін өлім жазасы қарастырылғанымен,бұл елде аталған жаза түрінің бірнеше онжылдық бойы іс жүзінде қолданылмаған.
