Ресей президенті Владимир Путин Ресей Федерациясының экономикалық даму министрі Максим Решетниковқа Белуха тауына көтерілу бойынша Қазақстанмен мәселелерді шешуді тапсырды. Бұл тау екі елдің шекарасында орналасқан, деп хабарлайды Alash.kz ұлттық порталы.
Решетников Путинге қазіргі уақытта Белухаға көтерілу үшін Қазақстан аумағын пайдалану қажет екенін, онда шекаралық режим әрекет ететінін айтты. Бұл Алтай өлкесінде орналасқан таудың туристік әлеуетін дамытуға кедергі келтіреді.
Бұл мәселені шешу үшін Қазақстан мен Ресей арасында үкіметаралық келісім қажет, бірақ ол әлі жасалмаған.
“Қазақстанмен шекара бойынша шешілмеген бір мәселеміз бар - Белуха тауы, үкіметаралық келісімге қол қою керек. Тауға кіру үшін Қазақстан аумағын пайдалану керек, онда шекаралық режим бар. Бірақ бұл бізде ерекше бақылауда”, - деп атап өтті Решетников.
Белуха - Алтайдағы ең биік тау шыңы. Таудың солтүстік-батыс беткейлері Шығыс Қазақстан облысында орналасқан.
