Белгілі кино актері Тәуекел Мүсілім Қазақстаннан кететінін айтты, деп жазады Alash.KZ.
Әлеуметтік желідегі парақшасында актер Kaspi-дегі аударымдардың сұрлып жатқаны туралы айтты.
"Жағдай былай ғой. 2022-23 жылы Каспиден қандай ақша түсті? 5 мың теңгеден жоғары ақшаның бәріне отчет бер деп тұр ғой. Кімнен түсті, не үшін түсті? Базар жоқ. Бұл 2022-23 жылғылар. Алда 2024-25 жылдар тұр ғой. Не істейміз, кетеміз-ау Қазақстаннан?" дейді, Тәуекел Мүсілім сағы сынып.
Естеріңізде болса, былтырдан бері мобильді аударымдарға қатысты талап өзгерген болатын. Азаматқа ай сайын 100 немесе одан көп тұлғадан 3 ай қатарынан мобильді аударым жасалса, тексерілетінін айтқан болатын.
Былтыр қаржы вице-министрі Ержан Біржанов жаппай тексеру болмайды деген еді. "Нысаналы декларация толтыруы тиіс. Салық төлеуі тиіс. Жіберілген хабарламаны орындамаса, басқа шара қолдана аламыз. Жаппай тексеру фактілері болмайды, – деген.
