Миллиардтаған қарызы бар Петропавлдағы зауыт тағы сатылымға шықты

Петропавл қаласындағы ауыр машина жасау зауыты төртінші рет сатылымға шығарылды. Қарызға белшесінен батқан кәсіпорынға әлі күнге дейін жаңа иесі табылмаған, деп жазады Alash.KZ.

E-qazyna порталында көрсетілгендей, зауыттың бастапқы бағасы 17,8 миллиард теңгені құрайды. Ал кепілдік жарна мөлшері 2,67 миллиард теңге.

Қазіргі таңда зауыттың кредиторлық берешегі 31,5 миллиард теңгеге бағаланып отыр.

Осы уақытқа дейін зауытты қалпына келтіруге және дамытуға инвестиция салуға дайын инвестор табылмаған.

Кеңес Одағы кезінде мұнда тактикалық зымыран кешендері, реактивті снарядтар мен зымырандар, оның ішінде азаматтық мақсаттағы өнімдер өндірілген.