Сауд Арабиясының "Әл-Наср" және Португалия құрамасының шабуылшысы Криштиану Роналду өз келіншегі Джорджина Родригеспен бірге Ақ үйге барды. Футболшы АҚШ президенті Дональд Трамппен кездесті, деп хабарлайды деп Alash.kz порталы.
Роналду Instagram-да Трампқа хабарласып, кездескені үшін алғыс айтты.
"Әрқайсымыз дамуға құнды үлес қоса аламыз. Бұл - менің қолымнан келеді. Жаңа ұрпақтарды батылдыққа, жауапкершілікке және тұрақты әлемге негізделген болашақты құруға шабыттандыруға дайынмын", — деді Роналду.
Роналду қазір тарихтағы ең бай спортшы. Сауд Арабиясында төрт жыл ішінде ол 800 миллион доллар алады.
2024 жылы Криштиану миллиардер болды.
