Мемлекет басшысының жарлығы бойынша ішкі істер министрінің бірінші орынбасары болған Марат Қожаев Парламент Сенатының депутаты болып тағайындалды, деп хабарлады Alash.kz ұлттық порталы Ақордаға сілтеп.
Марат Қожаев Қазақстан Республикасы ішкі істер министрінің бірінші орынбасары лауазымынан босатылды.
Орайы келгенде айта кетейік, бұған дейін Қазақстан Республикасы Парламенті Сенатының депутаты Ләззат Қалтаеваның өкілеттігі тоқтатылған болатын.
Марат Қожаев 1989 жылы КСРО ІІМ Қарағанды жоғары мектебін, 2001 жылы ҚР ІІМ академиясын тәмамдаған.
Қызметте жеткен жетістіктері үшін 2-ші дәрежелі "Айбын" (2013) орденімен және 7 медальмен марапатталған.
