Мәжіліс депутаттары Денсаулық сақтау министрі Ақмарал Әлназароваға жыл басында орын алған дәрі-дәрмек жеткізудегі үзілістерді қалай шешіп отырғанын сұрады, деп жазады Alash.kz.
Депутат Асхат Рахымжанов бұл мәселенің өңірлерде өте өзекті екенін атап өтті.Министр жауап беріп, кейбір мәселелер биылдан бастап шешілгенін жеткізді.
Біріншіден, төмендетілмейтін қор құрылды. Бұл шешім «СК «Фармация» ЖШС-ның 20,6 млрд теңге көлеміндегі міндетті төлемдерінен босатылуы арқылы мүмкін болды. Енді жыл басындағыдай жеткізілімдегі үзілістер болмайды.
Екіншіден, алғаш анықталған науқастарға дәрі-дәрмек жеткізу жоспары жаңартылды. Биыл тиісті әдістеме бекітіліп, сатып алу көлемі науқастар санына байланысты 10-12%-ға арттырылды. Бүгін барлық сатып алу рәсімдері жүргізіліп жатыр, деді министр.
