Нұрлан Ноғаев Қазақстан Республикасының Түрікменстандағы төтенше және өкілетті елшісі лауазымына тағайындалды, - деп хабарлайды Alash.KZ ұлттық порталы Ақордаға сілтеме жасап.
"Мемлекет басшысының Жарлығы бойынша, Нұрлан Асқарұлы Ноғаев Қазақстан Республикасының Түрікменстандағы төтенше және өкілетті елшісі лауазымына тағайындалды", - делінген хабарламада.
Ал Асқар Тәжібаев болса Түрікменстандағы төтенше және өкілетті елші қызметінен босатылды.
Еске сала кетейік, Нұрлан Ноғаев Маңғыстау облысының әкімі қызметін 2024 жылдың 16 мамырында тоқтатқан еді.
