Көкшетауда жаяу жүргіншінің өліміне әкеп соқтырған жол-көлік оқиғасына байланысты екі қылмыстық іс қозғалды, деп жазады Alash.kz.
Тергеу барысында 52 жастағы тұрғынды қағып кеткен әйелдің мүлдем жүргізуші куәлігі болмағаны және арнайы дайындықтан өтпегені белгілі болды. Қазіргі уақытта сот шешімімен күдікті қамауға алынды.
Оқиғаның мән-жайы бойынша, көлік иесі — жүргізушінің күйеуі де заң алдында жауап беруі мүмкін. Оған куәлігі жоқ адамға тізгінді сеніп тапсырғаны үшін бас бостандығынан айыру жазасы қаупі төніп тұр. Желіде тараған қайғылы жағдайдың видеосы жұртшылық арасында үлкен наразылық тудырды.
Құзырлы органдар істің егжей-тегжейін анықтап, кінәлілерді тиісті жазаға тарту үшін тергеу амалдарын жалғастырып жатыр. Қос бірдей қылмыстық іс аясында қатал шаралар қолданылмақ.
