Қазақ эстрадасының жарық жұлдызы Қайрат Нұртас Қызылорда қаласында өткен кезекті концерті кезінде сахна ережесін бұзған көрерменіне қатаң ескерту жасап, тыңдармандарын сабырға шақырды, деп хабарлайды Alash.kz.
Елордадағы дүркіреп өткен өнер кешінен кейін кейбір залдағы көрермендер әншіге өздерінің жеке сөмкелерін лақтыра бастаған. Алайда бұл әрекет орындаушының көңіліне тиіп, ол сахна төрінен тікелей залдағы азаматқа өз наразылығын білдірді.
Сахнаға түскен бұйымды қолына алған өнер иесі көрерменге қарап, өз сөзін былайша жеткізді:
«Мынау кімдікі? Тағы да алтын береді деп ойлап қалдың ба? Өйтіп бетке лақтырма, бауырым. Олай болмайды. Ол көргенсіздік болады. Ұят болады ертең», – деп Қайрат Нұртас сөмкені иесіне кері лақтырып жіберді.
Желі қолданушылары мен оқырмандар өнер иесінің бұл мәдениеттілікке шақырған әрекетін толықтай қолдап, оның ескертуін орынды деп бағалады.
Айта кету керек, бұл жағдайдың орын алуына бұған дейінгі оқиға себеп болған еді. Осыған дейін елордада өткен концертінде сахнаға сөмкесін түсіріп алған бойжеткенге Қайрат Нұртас өзінің мойнындағы бағалы бұйымын шешіп сыйлаған болатын. Содан кейін кейбір жанкүйерлер әншінің назарын аударып, бағалы сыйлық алу үмітімен сахнаға зат лақтыруды әдетке айналдырса керек.
