Көкшетауда көлік тізгіндеген әйел жаяу жүргіншілер өткелінде төрт баланы қағып кетті

4 тамыз күні Jetour көлігінің жүргізушісі жаяу жүргіншілерге жол бермей, кәмелетке толмаған төрт баланы қағып кетті, деп жазады Alash.KZ.

Салдарынан жасөспірімдер түрлі жарақат алып, ауруханаға жеткізілді.

Дәрігерлердің тексеруінен кейін олардың барлығы үйіне жіберілген.

Полиция жүргізушіге қатысты жаяу жүргіншілерге жол бермегені үшін әкімшілік хаттама толтырды.

Зардап шеккен балалардың ата-аналары жүргізушіге қатысты шағым түсірмеген.

Желіде тараған ақпарат бойынша көлік тізгінінде әйел болған.