Қаржы мониторингі агенттігі Перизат Қайраттан тәркіленген мүлікті аукцион арқылы сатуға шешім қабылдады. Билік бұл шараны жәбірленушілердің шығынын өтеудің басты жолы деп отыр, деп жазады Alash.KZ.
Аукционға қойылатын дүние-мүліктің көлемі қарапайым адамдарды ғана емес, сарапшыларды да таңғалдырды. Құны миллиардтаған теңгеге бағаланатын жылжымайтын мүлік, соңғы үлгідегі қымбат көліктер, бизнес үлестері мен қолма-қол қаржы тізімге енгізілген.
Сатылымға түсетін мүліктер қатарында:
- Vela Village коттедж қалашығындағы үй;
- Akbulak Riviera, Sensata Plaza, Highvill Ishim Gold, сондай-ақ «Көк Жайлау» кешендеріндегі пәтерлер (тұрақ орнымен бірге);
- Жаңа шыққан люкс автокөліктер: Mercedes-Benz S450 (2024), Lexus LX 600 (2024), Mercedes-Benz EQE 500 4Matic (2023), Haval H6 GT (2024);
- «Rebel Flowers» ЖШС-нің жарғылық капиталындағы толық үлес;
- 97 миллион теңге мен 22 мың АҚШ долларынан астам қаражат.
Осы ретпен сәнді коттедждерден бастап тіпті тұрмыстық техникаларға дейін мемлекет бақылауымен жаңа қожайынға табысталатын болады.
