Маңғыстаудағы Ақтау гарнизонында өткен оқу-жаттығу кезінде әскери қызметшілердің қаза болу фактісі бойынша қылмыстық іс қозғалды, деп хабарлайды Alash.kz.
Бас прокуратураның мәліметінше, қайғылы оқиғаның барлық мән-жайын анықтау мақсатында арнайы жедел-тергеу тобы құрылды. Қазіргі уақытта оқиға орнында Ішкі істер министрлігі, Төтенше жағдайлар министрлігі және прокуратура қызметкерлері қарқынды жұмыс жүргізуде. Мамандар қажетті сот сараптамаларын тағайындап, істің толық ақ-қарасын ашу үшін кешенді тергеу әрекеттерін қолға алды. Құзырлы орган аталған тергеу барысын ерекше бақылауға алғанын мәлімдеді.
