Каспий теңізінде жоғалып кеткен жасөспірімнің денесі бірнеше күнге созылған іздеу жұмыстарынан кейін табылды. Бұл туралы Төтенше жағдайлар министрлігі хабарлады деп жазады Alash.kz.
Ведомствоның мәліметінше, қайғылы оқиға Ақтаудан 51 шақырым жерде орналасқан жағалаудың шомылуға арналмаған учаскесінде болған.
Алдын ала мәлімет бойынша, екі жасөспірім SUP-тақтаймен теңізге шығып, кейін құтқару кеудешелерін шешіп, суға түсуге шешім қабылдаған. Сол кезде олардың бірі суға батып кеткен.
Оқиға орнына құтқарушылар дереу жетіп, іздестіру жұмыстарын бастаған. Жасөспірімдердің бірін аман алып қалу мүмкін болғанымен, екіншісі су астында жоғалып кеткен.
Бірнеше күнге созылған іздеу жұмыстарының нәтижесінде құтқарушылар жасөспірімнің мәйітін тапты.
Төтенше жағдайлар министрлігі азаматтарды тек арнайы жабдықталған жағажайларда демалуға, құтқару кеудешесін шешпеуге және судағы қауіпсіздік талаптарын қатаң сақтауға шақырды.
Каспий теңізінде қайғылы жағдай: жоғалған жасөспірімнің денесі табылды
13:23, 16 шілде 2026
Ашық дерекөздерден
Соңғы жаңалықтар
«Тиктокта емес, сотта жауап береді!»: Динара Сәтжан Ақтөбелік емшімен соттасып жатыр
13:30, 16 шілде 2026
"Өтінішіміз қанағаттандырылмады" - «Нұр-Мұқасан» төңірегіндегі дауға сот үкімі шықты
11:40, 16 шілде 2026
"69 бала қаза тапты" - Қазақстанда шомылу маусымына қатысты тосын ақпарат шықты
11:10, 16 шілде 2026