Қазақстанның Халық әртісі Мақпал Жүнісова өміріндегі ең қиын кезеңдерін еске алды, деп жазады Alash.kz.
Өнер иесі желідегі парақшасында архивтік видеосын жариялап, бір кездері ірі байқауда жеңіске жеткенімен, финалға қатыса алмағанын айтты.
"Алматыда өткен осы конкурста 3000 адамнан бірден көзбе-көз дауыс жиналды, мен жеңіп шыққан едім. Финалға Москваға дайындық екі ай жүрді, бірақ екі апта қалғанда осы іріктеуде мүлдем қатыспаған Бақтияр Тайлақбаев барады деп мәдениет министрлігінен хабар келді. Мен жылап жаман болған кез еске түсті", – деп жазды Мақпал Жүнісова.
