Дүниежүзілік денсаулық сақтау ұйымының тізгінін ұстап отырған, белгілі қазақ ақыны Жүрсін Ерманның құдасы Тедрос Гебрейесус дабыл қағып, тосын мәлімдеме жасады, деп жазады Alash.KZ ұлттық ақпараттық порталы.
Тедрос Гебрейесустың пайымдауынша, 2026 жылы белең алған Эбола безгегі қазіргі таралу қарқынын жоғалтпаса, адамзат шежіресіндегі ең жойқын пандемиялардың біріне айналуы ғажап емес.
Соңғы ресми деректерге сүйенсек, қауіпті инфекцияны жұқтырғандар саны 4,3 мыңнан асып, бұл дерттен 2 мыңнан астам науқас көз жұмған, деп хабарлайды .
Халықаралық ұйым алдағы тоқсанда (үш ай көлемінде) қалыптасқан күрделі ахуалды өз бақылауына алуды көздеп отыр. Алайда бұл шара індеттің тамырына толықтай балта шабуды емес, тек вирустың ары қарай жайылу тізбегін тоқтатуды ғана білдіреді.
Тедрос Гебрейесус қазіргі эпидемиологиялық жағдайдың ауқымы 11 мыңнан астам адамның өмірін қиған 2014-2016 жылдардағы Эбола дағдарысынан да асып түсуі мүмкін екенін ескертті.
Денсаулық сақтау саласы мамандарының айтуынша, қауіпті вирус туралы мамыр айында ғана ресми түрде жарияланғанымен, шын мәнінде оның халық арасында таралу үдерісі бұдан бірнеше ай бұрын-ақ басталып кеткен
