Жүргізуші көлік нөмірін жасырып, камераға ортан саусағын шошайтқан (ВИДЕО)

Түркістан облысындағы республикалық маңызы бар тасжолда Hyundai көлігінің жүргізушісі мемлекеттік тіркеу нөмірін жауып, жасыруға тырысқан және камераға ортан саусағын көрсеткен, деп жазады Alash.KZ

Оқиға бейнебақылау камераларына түсіп қалған. Сонымен қатар, жүргізуші жол қозғалысы кезінде құқықбұзушылықтарды тіркейтін камераларға әдейі наразылық білдірген әрекеттер жасаған.

Полицейлер жедел түрде көлік иесін анықтап, оның Қызылордадан Тараз қаласына бағыт алған 37 жастағы азамат екені белгілі болды. Кейін автокөлік тоқтатылып, жүргізуші жауапкершілікке тартылды.