Жұбайын парламент атрибуттарын пайдаланып құттықтаған депутаттың әркетіне комиссия баға берді

Комиссия Мәжіліс депутаты Дәулет Мұқаевтың әрекетінен заңбұзушылық таппады, деп жазады Alash.KZ

Бұған дейін депутат Дәулет Мұқаев камерасы бар смарт-көзілдірік тағып парламентке келуі және жұбайын парламент атрибуттарын пайдаланып құттықтаған видеосынан кейін сынға қалған еді.

Орталық сайлау комиссиясы мен Мәжіліс аппараты депутат Дәулет Мұқаевтың әрекеттерінен ешқандай заңбұзушылық анықталмағанын мәлімдеді.

Мәжіліс аппараты түсірілімнің пленарлық отырыс залының алдындағы холлда жүргізілгенін хабарлаған. Ал бұл аумақта фото және видео түсіруге рұқсат етілген.

Орталық сайлау комиссиясы депутаттарға қатысты тәртіптік шаралар тек палата төрағасы немесе парламент бюросының ресми жазбаша өтініші болған жағдайда ғана қаралатынын айтты.