Қызылордада саябақтардың бірінде екі қыз төбелесіп қалды. Әлеуметтік желіде бұған қатысты кадрлар тарады, деп хабарлайды Alash.KZ ұлттық порталы Stan.kz ақпарат агенттігіне сілтеп.
Желіде тараған видеоға назар сала отырып, төбелеске қатысқан қыздардың бірі екіншісін жұдырықпен ұрып-соғып, тепкіге алғанын байқауға болады. Екі ортада бір жігіт оларды ажыратуға келіп, өзі де төбелеске кірісіп кеткен. Ер адамның соққысынан қыз жерге құлап, оған самокат лақтырған. Сосын екеуі бірін-бірі ұрып соққан.
Олардың жекпе-жегіне желі қолданушылары түрліше пікірлерін жаудырды.
“Қыз жекпе-жек өнерінің қандай да бір түрін меңгерген болса да, сырт көзге біртүрлі көрінеді екен”, “Ұсқынсыз. Дым күлкілі емес””, “Нашар кино сияқты”, “Жарайсың жігітім! Бәрін дұрыс істедің”, “Қыз екінші бір қызға шабуыл жасап, ұрып-соқты. Полицейлер бір шетте оларға қарап тұрды. Сосын жігіт келіп оларды тоқтатпақ болды”
Қызылорда қаласы полиция департаменті оғиғаға қатысты түсіндіктеме берді.
"Қызылорда полициясы жастар тобының бұзақылық әрекеттерін тоқтатты. Қылмыстық іс қозғалды. Төбелескендердің аты-жөндері анықталып, полицияға жеткізілді. Оқиғаның мән-жайы анықталып жатыр", – делінген хабарламада.
